Ánægjulegt / Notaði tannþráð og tók lýsi ? / Einelti

Takk fyrir þessa jákvæða frétt um auknar hjólreiðar,  mbl !

Það er sannarlega  góðs viti að fleiri hjóla í skólann svo tekið sé eftir því. Rök fyrir því að það sé gott fyrir einstaklingana og samfélaginu má finna í ýmsum opinberum skýrslum, innlendar og erlendar, og frá aðilum eins og Alþjóðaheilbrigðismálastofnun og European Conference of Transport Ministers.

En í lok fréttar kemur leiðinda skot á dömuna á reiðhjóli sem prýðir mynd með fréttina.  (Það má halda til haga að blaðamaður hafi tæplega talað við hana): 

Verra er þó þegar hjólreiðafólk gleymir að setja á sig hjálminn, enda leynast hætturnar víða, ekki síst þegar kólnar í veðri og hugsanlega hált. Það hefur þó ekki hvarflað að þessari ungu konu sem hjólaði á lóð Háskóla Íslands.

Við getum jafn lítið vitað um það hvað hafi hvarflað að henni og það hvort hún hafi notað tannþráð nýlega eða tekið lýsi.  Það virðist ekki hafa hvarflað að blaðamanni í tengsl við halkuna að minnast á nagladekk undir reiðhjól og að bílstjórar og fólk a reiðhjóum fari með gát. Ekki heldur er minnst á ljósabúnaði sem er þó lögbundin á reiðhjólum í myrkri og vanti æði oft.  

Staðreyndin virðist vera að þeir sem hjóla verða heilbrigðari og lífa lengur en aðrir, þannig að það er kannski komið nóg af því að leggja fólki sem hjólar án hjálms í einelti ? -ML

Námsmenn nýta sér hjólhestinn

Hjólreiðar.is er svipaður vefur á íslensku

Við vekjum athygli á íslenskum vef sem var opnaður í vor með svipuðu efni sem er einnig ætlað að veita fólki innblástur og sýna hversu þægilegt og auðvitað hressandi það er að fara hjólandi á milli staða. Á síðunni má sjá alls konar skemmtilegar myndir.

Kíkið á hjólreiðar.is

PG

Hjólandi brúðhjón í Amsterdam

Snúum þessari þróun við

Ein einfaldasta leiðin til að tryggja það að líkaminn fái sína nauðsynlegu hreyfingu er að flétta hana inn í daglegt líf s.s. með því að hjóla eða ganga til vinnu og skóla. Það gerir börnunum ekki gott að keyra þau stuttar leiðir sem henta vel til göngu og hjólreiða.

Í Bretlandi og víðar er börnum kennt með skipulegum hætti að hjóla með öruggum hætti í umferðinni í Bikeability kennslu eða Hjólafærni eins og við höfum kallað kennsluna á íslensku. Það er ekki síður verðugt verkefni en sundkennsla, henni verður ekki skipt út með kútum.

Íslendingar eru aftarlega á merinni sem hjólaþjóð líkt og t.d. bretar og gætu nýtt sér margt af því sem þeir eru að gera til að aukahjólreiðar. s.s. með innleiðingu kennslu í Hjólafærni.

Á hjólabloggi Guardian eru nokkur góð ráð fyrir foreldra sem vilja fá börnin sín til að hjóla til skóla og fleiri hjá Sustrans.

Hér má svo lesa á íslensku um tækni Samgönguhjólreiða sem kennd er í Hjólafærnikennslu.

Páll Guðjónsson

Versnandi þrek níu ára barna

Að leyfa hjólreiðar gegn einstefnu

Það er eitt af stefnumálum Landssamtaka hjólreiðamanna LHM að leyfa hjólreiðar gegn einstefnu þar sem það er hægt. Í þeim löndum Evrópu þar sem mest er hjólað eru hjólreiðar leyfðar gegn einstefnu. Rætt hefur verið um slika breytingu í Svíþjóð og Noregi.

Oft er það gert með sér skiltum eins og sést á þessum myndum.

Þessi ráðstöfun bætir hreyfanleika hjólreiðafólks og eykur ferðahraða milli staða. Niðurstöður þýskrar rannsóknar sýnir að slysahætta er ekki meiri.

Þessar tilögur lögreglunnar sem vitnað er í eru ekki líklegar til að auka öryggi hjólreiðamanna.

Hjólreiðamenn eiga að hjóla með annarri umferð í suðurátt en á sérstakri rein í norðurátt. Ef settur er kantur þrengir svo að umferð hjólandi í suðurátt að öryggi þeirra yrði minna. Heilreinda línan hefur að hluta til þessi áhrif því óheimilt er skv. umferðarlögum að aka yfir slíka línu, sbr. myndina hér úr Mbl.is af Suðurgötu horft í norður. Afleiðingin er sú að vegur í suður virkar helst til of þröngur fyrir framúrakstur framúr hjólandi. Það er helsti gallinn við þessu útfærslu í Suðurgötunni fyrir utan að hún aðeins stuttur spotti og ekki hluti af samanhangandi leið. 

 

 

 

Í raun væri best að hafa brotna línu milli hjólareinar í norðurátt og umferðar í suðurátt svo bílar geti auðveldlega tekið fram úr umferð hjólandi í suður. Þannig útfærsla er sýnd á þessari mynd.

 

Það virðist eins og lögreglan misskilji alveg þetta mannvirki og ekki er laust við að borgin viti ekki heldur almennilega hvað hún er að gera.

Það er óþarfi að finna upp hjólið hérna heima þegar lönd í Evrópu hafa þegar fundið lausnina og hjólreiðar eru þar margfaldar á við hér.  Deilur milli lögreglu og borgar eru heldur ekki góð leið til að finna upp hjólið.

Væri ekki ráð að Lögreglan, Borgin og LHM myndu senda fulltrúa sína til Hollands að skoða hvernig sú þjóð sem hjólar mest í Evrópu hagar merkingum og hönnun fyrir reiðhjólaumferð?

 

Bann án viðurlaga á Suðurgötu

Innflutningur á reiðhjólum

Á heimasíðu Landssamtaka hjólreiðamanna LHM er umfjöllun um innflutning reiðhjóla s.l. 10 ár.

Það verður að segjast eins og er að samanburðurinn við verð á bíla í þessari frétt er frekar óréttlátur. Hinsvegar sjást ekki forsendur samanburðarins nógu vel til að hægt sé að dæma um hvort hann sé réttur.

Það er vitað að verð á reiðhjólum og íhlutum í reiðhjól hefur hækkað almennt erlendis síðustu ár. Svo virðist líka að íslendingar kaupi almennt meira af vönduðum og dýrari reiðhjólum heldur en áður var.

Nú er meira hjólað og hjólin eru notuð í meira mæli sem farartæki heldur en leiktæki. Þetta kemur meðal annars fram í svari LHM við fyrirspurn Samtaka Evrópskra hjólreiðafélaga ECF, sem LHM er aðili að.

Svar LHM: http://www.lhm.is/lhm/skjol/619-bref-ecf-spurt-um-hjolreiear-a-islandi

Tafla í svari LHM: http://www.lhm.is/images/stories/vaktin/arnid/FylgiskjalHagstofan.pdf

Það virðist eins og hjólreiðar hafi u.þ.b. tvöfaldast á síðustu árum og höfuðborgarsvæðið og þá sérstaklega miðborg Reykjavíkur sé komin með álitlegt hlutfall ferða á reiðhjólum.

LHM hefur í nýlegri umsögn til efnahags- og viðskiptanefndar Alþingis óskað eftir því að tollar á reiðhjólum og varahlutum í þau verði felldur niður til samræmis við tolla og vörugjöld við innflutning á eyðslugrönnum bílum. Kostnaður ríkisins við það miðað við óbreyttan innflutning gæti verið á milli 30 og 40 milljónir króna á ári en sparnaður neytenda gæti numið um 60 til 80 milljónum króna, eftir því hvaða álagningarprósenta er reiknuð fyrir verslun. Það er ekki vitað til þess að fyrirætlanir séu hjá ríkinu um að fara að því.

Rikið virðist samkvæmt þessu telja það skynsamlegra að fella niður öll gjöld á "vistvæna" bíla heldur en á vistvænasta farartækinu, reiðhjólinu. "Vistfótspor" (ecological footprint) vistvæns bíls er um 1000 falt stærra heldur en "vistfótspor" reiðhjóls. Auk þess hefur reiðhjólið heilsufarsávinning í för með sér fyrir notandann, skapar ekki hættu í umferðinni fyrir aðra vegfarendur eins og bíll gerir, bætir umhverfið og tekur ekki sama pláss í borginni.

72% dýrara að kaupa reiðhjól

Rett áhersla, en Umferðarstofa talar ósatt um LHM

Það er hárrétt áhersla í umferðaröryggismálum barna að passa upp á hraðakstri bíla.  Hins vegar er það ekki rétt áhersla að tala íburðarfullt um reiðhjólahjálma, eins og Einar Magnús Magnússon hjá uMferðarstofu gerði í morgun.  Og ekki batnar það þegar í þessu blandast dylgjur og osannindi um ónfangreinda aðila.

Málflutningur Einars var óheiðarleg og hjálpar ekki sameiginlegan málstað Umferðarstofu og Landssamtaka hjólreiðamanna um bætt umferðaöryggi. Eftir mjög góða grein í Morgunblaðinu nýlega þar sem viðtal var tekið við hann og formanni LHM, Árna Davíðsson, er þetta leitt að sjá.

( http://lhm.is/frettir-af-netinu/islenskt/536-hjolreieamenn-verea-ae-vera-synilegir )

I morgunútvarpi Rásar 2 í dag (27.ágúst 2010) var sem sagt fjallað um að færra börn nota hjálma við hjólreiðar núorðið.

Einar skellti skuldina á tískuna og ónafngreiða aðila sem hann sagði hefðu tala gegn hjálmanotkun. Hann átti greinilega við Landssamtök hjólreiðamanna og aðila innan fjallahjólaklúbbsins, og "auðvitað" gerði hann það með að skrumskæla málflutning þeirra.


Ég hringdi inn og einhver á fréttastofu skrifaði niður leiðrétting mína,
en þó 30 mín var eftir af þættinum, og líka upprifjun í lokin þá var er
ekki minnst á leiðréttinguna.  ( Ég spurði hvort konan væri með
símanúmerinu hjá mér og hún las upp rétt númer. )

Ég sagði við fréttamanninn (vonandi var hún það) :
1. Einar hefur greinilega átt við Landssamtök hjólreiðamanna
2. LHM hefur ekki hvatt fólki til að hætta að nota hjálm, ólíkt því sem
hann sagði
3. LHM hefur  bent á ýkjur í málflutningi Umferðarstofu og annarra  hvað varðar hættu af hjólreiðum og gagnsemi hjálma.
4. Hún spyr hvort ekki sé gefið að einhver gagn sé af þeim, ég svarði að  að þurfti heilan þátt til að fara inn á þá umræðu, ( Hefði átt að bæta við : umræða um virkni væri ekki punkturinn varðandi að leiðrétta orðum Einars)
5. LHM hefur reynt að ná tali af Rannsóknarnefnd umferðarslysa,
Slysavarnarráð og Umferðarstofu, en þeir hafa ekki viljað ræða málin við  LHM, þrátt fyrir því að LHM  sé að vísa í vísinda-gögn.

Vef LHM : www.LHM.is , Ein af nokkrum greinum um hjálma :

http://www.lhm.is/skyldunotkun-reiehjolahjalma

(Morten skrifaði)

Hraðabrot við grunnskóla

www.hfr.is : komin að Búðardalsafleggjara

Frá www.hfr.is : 

Kl. 10:53
The Red Force (Hafsteinn og Pétur) og SHSHOHI (Hákon og Valgarður) eru komin að Búðardalsafleggjara norðan Bifrastar. Það er glampandi sól og léttur andvari.
Ekki er vitað um mínútur í næstu menn að sinni.
 

Hjólakappar komnir í Borgarnes

Mannaflafrek framkvæmd: Fjölga boga til að læsa hjól við

Það liggur beinast við að sveitarfélögin setja mannafla og svo fé í að setja upp bogar til að læsa reiðhjól við.  Bogarnir græna sem Reykjavíkurborg hafa sett upp á fáeinum stöðum nær miðborgina, til dæmis við Skúlatún 2,  Borgartúnsmegin  eru dæmi um ágætis lausn.

Mér finnst meir en upplagt að tryggingafélög eða  lífeyrissjóðir fjármagni þessu.  Að vísu sé ég ekki fyrir mér að arður verði af þessu beint.  En Alþjóðaheilbrigðismálastofnun býður upp á reiknilíkön til að finna út hversu mikið hið opinbera spari með því að fjölga hjólreiðamönnum.  Svo hagkvæmt er þetta án vafa.

Það ætti sömuleiðis að styrkja íbúa til þess að koma sér upp aðstaða fyrir reiðhjólum.

Nóg er búið að styrkja bílaeigendur í egnum árin, og enn er verið að bjóða rafmagnsbíla ókeypis stæði.  Mun meiri ástæða er til þess að ýta undir hjólreiðar en notkun rafmagnsbíla. 

( Morten )

Varað við reiðhjólaþjófnuðum

Fullt af hjólafréttum á heimasíðu LHM

Það hefur lítið verið bætt við hér undanfarið, en á fréttavakt heimasíðu Landssamtakanna má sjá ymislegt áhugavert. Til dæmis :

 

5. jan 09 Bresk þingnefnd sammála málflutningi LHM í umferðarrráði

 

4. jan 09 Ekið á dreng á hjóli. Léleg hönnun á gatnamóti ? Umræða á bloggi tengd fréttina. 
 

 

27.des08. Reiðhjól af réttri hönnun eru meðal betri kosta til þróunaraðstoðar og líkn sem völ er á.

 

22.des08 Fyrsta hjólreiðagatan í Danmörku verður í Árósum. Allir mega ferðast þar en hjólreiðamenn hafa forgang og hraðinn væntanlega miðaður við þá.

 

26. nóv08. Verða reiðhjóla með rafmagns hjálparmótor jólagjöfin í ár? Nokkur hjól skoðuð og spáð í haghvæmnina.

  20. nóv08. Lundúnaborg panta tilboð í kerfi fyrir almenningshjól.  Vilja miða við 300 metra á milli hjólaleiganna. 6000 hjól á 400 stöðum. Þeir herma þannig eftir hinu geysivinsæla Velib kerfi Parisarborgar.

 

Stofnfundur ( formlegur) í ráðhúsi Rvk kl. 20 í kvöld 17.sept

Sjá

http://www.rvk.is/desktopdefault.aspx/tabid-2597

http://visir.is/article/20080916/FRETTIR01/642877589/0/leit&SearchID=73330243613115

http://visir.is/article/20080819/LIFID01/181286402/0/leit&SearchID=73330243642756

http://dagskra.ruv.is/streaming/ras1/?file=4416150

 

Eða vef þeirra 

http://billaus.is : 

Stofnfundur Samtaka um bíllausan lífsstíl verður í Tjarnarsal Ráðhúss Reykjavíkur, miðvikudaginn 17. september kl. 20:00.

Á stofnfundi verður kosið í stjórn, lög samþykkt og fyrirhuguð starfsemi kynnt. Hér með er auglýst eftir framboðum í fimm manna stjórn, þ.e. formann, ritara, gjaldkera og tvo meðstjórnendur og hvetjum við þá sem hafa áhuga að hafa samband við Sigrúnu (shl1 hjá hi.is).

Mjög mikilvægt er að áhugasamir fjölmenni á fundinn og sýni málefninu stuðning.

 

Þúsund manns í bíllausan lífsstíl